Klodian Braho është zgjedhur sot si kreu i ri i Prokurorisë së Posaçme Antikorrupsion (SPAK), duke marrë 7 vota nga Këshillin e Lartë të Prokurorisë (KLP). Braho do të pasojë në këtë detyrë Altin Dumanin, i cili ka përfunduar mandatin e tij. Me këtë emërim, SPAK do të vazhdojë përpjekjet e tij në luftën kundër korrupsionit dhe krimit të organizuar, një mision që është thelbësor për forcimin e sundimit të ligjit në Shqipëri.
Klodian Braho ka lindur më 21 korrik 1982 në Skrapar. Pasi kreu shkollën e mesme, ai vazhdoi studimet në Fakultetin e Drejtësisë, ku mori diplomën e tij në vitet 2000-2004. Pas përfundimit të studimeve, Braho u regjistrua në Shkollën e Magjistraturës, ku vazhdoi arsimimin e tij në periudhën 2005-2008, duke marrë emërimin si prokuror më 14 nëntor 2007.
Braho e ka nisur karrierën e tij profesionale në vitin 2007, kur u emërua si prokuror pranë Prokurorisë së Rrethit Gjyqësor të Beratit. Ky ishte fillimi i një rrugëtimi të gjatë në sistemin e drejtësisë shqiptare, ku ai shërbeu për disa vjet në pozita të ndryshme.
2007-2012: Prokuror pranë Prokurorisë së Rrethit Gjyqësor Berat, ku nisi të merrte përvojë dhe të angazhohej në çështje të ndryshme penale.
2012-2015: Prokuror pranë Prokurorisë së Rrethit Gjyqësor Vlorë, një periudhë gjatë të cilës Braho thelloi njohuritë e tij dhe bëri përparim të rëndësishëm në karrierën e tij.
2014-2015: Zv/drejtues i Prokurorisë pranë Gjykatës së Rrethit Gjyqësor Vlorë, një detyrë që e ndihmoi të zhvillonte aftësitë e tij menaxhuese dhe drejtues.
2015-19 dhjetor 2019: Prokuror në Prokurorinë pranë Gjykatës së Shkallës së Parë për Krimet e Rënda në Tiranë, një periudhë kyçe për karrierën e tij, ku Braho u angazhua në çështje të mëdha dhe të ndjeshme, duke marrë pjesë në hetime të rëndësishme dhe procese gjyqësore me impakt të lartë për shoqërin
Nga 19 dhjetori 2019 deri më tani, Braho ka shërbyer si prokuror pranë Prokurorisë së Posaçme kundër Korrupsionit dhe Krimit të Organizuar (SPAK), një detyrë që i ka mundësuar të kontribuojë drejtpërdrejt në luftën kundër korrupsionit dhe krimit të organizuar në Shqipëri. Puna e tij në SPAK ka përfshirë hetime të ndërlikuara dhe raste me peshë të madhe, duke forcuar kështu besimin në pavarësinë dhe integritetin e këtij institucioni.
