Personi në foto është Marselo Arani, i dyshuar se një nga autorët e atentatit ndaj biznesmenit, Mondi Mëhalla.
32-vjeçari raportohet se ka thyer masën e sigurisë “arrest shtëpie” dhe ka dalë për të kryer krimin. Ai ishte arrestuar më herët, i akuzuar për pastrim parash, ndërkohë që në muajin qershor, Prokuroria e Elbasanit i sekuestroi 14 pasuri në pronësi të tij. Arani rezulton i dënuar me vendim të formës së prerë në Itali, për veprën penale të shfrytëzimit të prostitucionit. Gjatë hetimeve është provuar se ai ka kryer veprimtari kriminale në territorin italian. Ndërkohë, autori i dytë është identifikuar si Armando Kola. Policia po vijon punën për lokalizimin e tyre dhe ndalimin.
Deri tani janë arrestuar Xhino Ago, ish-ortaku u Mëhallës në biznes dhe Kujtim Pisha, roja i karburantit në pronësi të biznesmenit, ku ndodhi dhe vrasja.
