Autoritetet e shëndetit publik thonë se në Shqipëri ka një qarkullim të virozave respiratore dhe rrufës.
Përveç higjienës që ndihmon në parandalimin e shpërndarjes së virozave, njeriu mund të mbrohet edhe nëpërmjet ushqyerjes.
Kjo e fundit duhet të jetë e ekuilibruar dhe të garantojë sasi të mëdha vitaminash, mineralesh e antioksidantësh.
Agrumet janë aleatët më të mirë të shëndetit të njeriut.
Ato janë një burim i shkëlqyer i vitaminës C.
Trupi nuk e prodhon dot këtë vitaminë e cila ka aftësinë të shkurtojë simptomat e virozave, gripit dhe të ftohurës.
Ndër agrumet më të shëndetshme për njeriun janë padyshim limonët, portokallet dhe mandarinat.
Shqipëria ka një traditë të fortë në prodhimin e tyre, e megjithatë eksportet e këtyre agrumeve, veçanërisht mandarinave janë rritur ndjeshëm.
Që nga viti 2013 e deri në vitin 2018, eksportet e agrumeve janë rritur me 47 për qind.
Çaj mali dhe shegë, kura e fuqishme për shëndetin
Cilat janë agrumet më të mira për shëndetin.
Në arritjen e një konkluzioni mbi këtë pyetje, duhet t’i hidhni një sy profilit ushqimor të të dy frutave.
Vlerat e mandarinave për shëndetin
Një racion 100 gramësh me mandarina ofron:
53 kalori,
13.3 gramë karbohidrate,
1.8 gramë fibër,
0.8 gramë proteinë,
0.3 gramë yndyra,
14% të dozës së rekomanduar ditore të vitaminës A,
44% të dozës së rekomanduar ditore të vitaminës C,
4 për qind të dozës së rekomanduar ditore të folatit
5 për qind të dozës së rekomanduar ditore të kaliumit.
Këto janë katër SIMPTOMAT e para që shfaqen në trupin tuaj nga mungesa e hekurit
Vlerat e portokalleve për shëndetin
Në të njëjtën sasi portokallesh, pra 100 gramë, njeriu merr këto përfitime:
47 kalori
11.7 gramë karbohidrate,
2.4 gramë fibër,
0.9 gramë protein,
0.1 gramë yndyrta,
4 për qind të dozës së rekomanduar ditore të vitaminës A,
89 për qind të dozës së rekomanduar ditore të vitaminës C,
8 për qind të dozës së rekomanduar ditore të folatit
5 për qind të dozës së rekomanduar ditore të kaliumit.
Nga krahasimet e të dhënave të mësipërme rezulton se portokallet ofrojnë dyfishin e vitaminës C të mandarinave por përmbajnë më pak vitaminë A.
Rrjedhimisht ato janë më të mira kundër virozave.
Mandarinat janë më të pasura me vitaminën A.
Ekspertët e AgroWeb.org, sqarojnë se portokallet në veçanti janë të dobishme jo vetëm për vitaminën C por edhe për uljen e nivelit të kolesterolit në gjak dhe parandalimin e ulçerës në stomak.
Të dyja frutat duhet të jenë pjesë e një regjimi ushqimor të shëndetshëm. /AgroWeb.org/
