Kandidati i shoqërisë civile, Altin Hazizaj, u përjashtua sot nga shorti i kandidatëve për KLGJ e KLP në nënkomisionin ‘ad hoc” të mbledhur sot, ku po shqyrtohen të gjitha kandidaturat që nuk janë gjyqtarë dhe prokurorë. Tre anëtarë të mazhorancës votuan pro, përjashtimit të tij ndërkohë që opozita nuk mori pjesë fare në proces.
Ishte Partia Demokratike e cila konstatoi se Hazizaj kapej nga Ligji i Dekriminalizimit; ai kishte qënë dy herë i dënuar dhe si rrjedhim nuk mund të kandidonte për këto organe.
Nga verifikimet e kryera nga Prokuroria, ndaj Hazizajt ka pasur një masë sigurimi personale në shkurt të 1996 për veprën penale të parashikuar nga neni 120 i Kodit Penal, “Shpifja”.
Po ashtu, ka një dënim penal të formës së prerë brenda territorit të Republikës së Shqipërisë. “Subjekti me vendimin nr. 603 datë 24. 07. 1996 është dënuar nga Gjykata e Rrethit Gjyqësor Tiranë me 5000 lekë gjobë për veprën penale të parashikuar nga neni 236/1 i Kodit Penal “Kundërshtimi i punonjësve të policisë dhe rendit publik”. “
