Fëmijët mund të vdesin nga kequshqyerja brenda dy muajve, ka paralajmëruar një mjek i një grupi bamirësie në Gaza.
“Mund të kalosh nga një ushqyerje e arsyeshme në vdekjen nga kequshqyerja brenda dy muajsh”, tha ajo.
“Këta fëmijë po kalojnë vuajtjet më të jashtëzakonshme në ato dy muaj. Ata fillojnë duke ndjerë uri, pastaj fillojnë të ndihen shumë të lodhur. Pastaj, uria e tyre ndalet, por organet e tyre prishen, përfshirë kockat, gjë që është jashtëzakonisht e dhimbshme. Por ata nuk qajnë sepse nuk mund të qajnë. Dhe kjo vazhdon për dy muaj para se të dorëzohen. Duhet ta kuptojmë se kjo është tërësisht e krijuar nga njeriu”, tha ajo.
Ajo vazhdoi duke thënë se kjo mund të ndryshohej duke futur ushqim brenda.
“Furnizimi i ndihmave dhe ushqimit tani është mënyra më e mirë për ta parandaluar këtë tek fëmijët që ende nuk janë të kequshqyer në mënyrë akute.”
