Kristin Cabot, drejtuese e departamentit të Burimeve Njerëzore në kompaninë teknologjike Astronomer, ka tërhequr vëmendjen e mediave në ditët e fundit, pas publikimit të një videoje virale nga koncerti i Coldplay në Boston.
Në pamjet e kapura nga “Kiss Cam”, ajo u shfaq në një moment intim me ish-CEO-në e kompanisë, Andy Byron, videoja ka shkaktuar një skandal publik, duke u shpërndarë atë gjerësisht në rrjetet sociale.
Sipas mediave të huaja, Kristin është e martuar me Andrew Cabot, një trashëgimtar i njohur i familjeve më të pasura dhe më të vjetra të Bostonit.
Nga postimet që Andrew ka bërë në rrjetet sociale rezulton të jetë pronari i kompanisë së njohur të rumit Privateer Rum, dhe është përfaqësues i brezit të gjashtë të dinastisë Cabot. Marka u themelua nga një paraardhës i tij, gjithashtu me të njëjtin emër.
Pasuria e familjes Cabot u vlerësua në 200 milionë dollarë në një artikull të New York Times më 1972, shumë që sot korrespondon me rreth 15.4 miliardë dollarë.
Nuk ka informacione të sakta së kur Kristin dhe Andrew u martuan, por sipas informacioneve mësohet se është martesa e dytë për të dy ata. Kristin është divorcuar nga martesa e dytë në vitin 2022.
Në profilin e saj të fshirë në LinkedIn, ajo ka shërbyer si “anëtare e komitetit këshillues” në Privateer Rum që nga shtatori i vitit 2020. Çifti ka blerë së fundmi një vilë në bregdetin e New Hampshire me vlerë 2.2 milionë dollarë.
Dinastia Cabot – “Elita e elitës” në Boston
Familja Cabot është pjesë e asaj që njihet si “Boston Brahmin”, një elitë aristokrate anglo-saksone protestante që ka dominuar për breza të tërë në qytetin e Bostonit. Një shprehje e njohur në këtë qytet është: “Cabotët flasin vetëm me Zotin”.
Origjina e pasurisë së familjes Cabot është e lidhur me tregtinë detare dhe përfshirjen në tregtinë e skllevërve në fillim të shekullit të 19-të. Më vonë, ata u pasuruan edhe më tej duke investuar në industrinë e karbonit industrial, që luajti një rol të rëndësishëm në prodhimin e gomave për makinën.
Familja Cabot ka kontribuar gjerësisht në institucione akademike të elitës amerikane si Harvard, MIT, Norëich University dhe Perkins School for the Blind.
Francis Cabot, një trashëgimtar nga New York, ka deklaruar dikur me ironi se: “Familja jonë intereson për dy gjëra, të martohen me gra të pasura dhe të këndojnë në kor.”
