Presidenti i SHBA-së, Donald Trump, sugjeroi këtë të martë, që departamenti i efikasitetit qeveritar të shqyrtojë subvencionet që kompanitë e CEO-s së Tesla-s, Elon Musk, kanë marrë me qëllim që të kursejnë para. Komentet e Trump vijnë pasi Musk, njeriu më i pasur në botë, ripërsëriti kritikat e tij të hënën për projektligjin gjithëpërfshirës të Trump për uljen e taksave dhe shpenzimet, duke u zotuar të rrëzojë ligjvënësit që e mbështetën atë pasi bënë fushatë për kufizimin e shpenzimeve qeveritare.
“Elon mund të ketë marrë më shumë subvencione se çdo qenie njerëzore në histori deri tani dhe pa subvencione, Eloni ndoshta do të duhej të mbyllte dyqanin dhe të kthehej në shtëpi në Afrikën e Jugut. Mjaft me lëshime raketash, satelitësh apo prodhim makinash elektrike, dhe vendi ynë do të kursente një PASURIE. Ndoshta duhet ta pyesim ‘DOGE’ ta shqyrtojë mirë dhe me kujdes këtë? PARA TË MËDHA PËR T’U KURSYER!!!”, tha Trump në një postim në Truth Social, duke iu referuar Departamentit Federal të Efikasitetit të Qeverisë.
