Dy zëvendëskomandantë në shtabin e përgjithshëm të forcave të armatosura iraniane u vranë në sulmet izraelite, raportoi të shtunën media shtetërore iraniane.
Sipas Reuters, nuk ishte e qartë se kur u vranë dy komandantët, por vdekja e tyre u njoftua të shtunën.
Sulmet e Izraelit ndaj Iranit që nga e premtja kanë vrarë të paktën 78 persona, përfshirë zyrtarë të lartë ushtarakë, në ato që janë sulmet më të mëdha të Izraelit ndonjëherë kundër Iranit.
Ndërkohë, Irani konfirmoi se objekti i tij bërthamor në Fordow pësoi dëme të kufizuara pas sulmeve të fundit, raportoi agjencia e lajmeve ISNA, duke cituar një zëdhënës të organizatës së energjisë atomike të vendit.“Ka pasur dëme të kufizuara në disa zona në vendin e pasurimit të uraniumit Fordow. Ne kishim zhvendosur tashmë një pjesë të konsiderueshme të pajisjeve dhe materialeve, dhe nuk kishte dëme të mëdha dhe nuk ka shqetësime për kontaminim”, tha zëdhënësi i agjencisë shtetërore të energjisë atomike, Behrouz Kamalvandi.
