Një telefonatë anonime në sallën operative të policisë ka ngritur në alarm forcat e rendit pasditen e sotme në Tiranë. Bëhet fjalë për një njoftim për një bombë të dyshuar në hotelin luksoz “Plaza”.
Forcat xheniere janë nisur drejt vendngjarjes. Zona është rrethuar, ndërsa është bërë evakuimi i pjesshëm i ambienteve përreth, ku po boshatiset godina e hotelit.
Sipas burimeve telefonata është bërë në recepsionin e hotelit për një bombë në parkim, më pas personeli ka njoftuar policinë.
Nga ana tjetër bëhet me dije se dyshohet për një alarm të rremë, por po kryhen të gjitha verifikimet në terren për të përjashtuar çdo mundësi rreziku.
