Deputetja e Partisë së Lirisë, Monika Kryemadhi është paraqitur paraditen e kësaj të marte në GJKKO.
Ndaj Kryemadhit është ngritur një padi nga juristi Romeo Kara, për “shpifje” dhe “fyerje”.
“Kam gjyq, për shpifje me inceneratorin në SPAK. Gjithë dynjaja shkon në gjyq civil, unë vij këtu”, tha Kryemadhi për gazetarët para se të futej në godinë.Kujtojmë që deputetja e PL-së po hetohet nga SPAK për tre akuza pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA.
Po për këtë dosje po hetohet edhe ish-bashkëshorti i saj, Ilir Meta, i cili ndodhet në qeli prej datës 21 Tetor 2024, pasi ndaj tij është caktuar masa e sigurisë “arrest me burg”.
