Një 53-vjeçar është arrestuar mëngjesin e sotëm në Fier, pasi akuzohet se ka blerë vota.
Mësohet se 63-vjeçari është arrestuar në fshatin Portëz, ku dyshohet se gjatë një muaji, ai ka shpërndarë para me qëllim blerjen e votave në favor të kandidates së një subjekti politik. Aktualisht nuk bëhet e ditur se në funksion të cilit subjekt politik ai blinte vota.
Njoftimi i policisë:
Si rezultat i një hetimi njëmujor, në drejtimin e SPAK, dokumentohet një rast i blerjes së votave. Vihet në pranga autori. Specialistët për Hetimin e Krimeve Ekonomiko-Financiare ekzekutuan urdhrin e Prokurorisë së Posaçme Kundër Korrupsionit dhe Krimit të Organizuar, për ndalimin e shtetasit P. B., 63 vjeç, banues në fshatin Portëz, për veprën penale “Korrupsioni aktiv në zgjedhje”.
Nga hetimet dyshohet se gjatë një muaji, ai iu ka dhënë shuma parash, shtetasve të ndryshëm, me qëllim blerjen e votave në favor të kandidates së një subjekti politik.
Materialet procedurale iu referuan SPAK, për veprime të mëtejshme.
