Kryeministri Edi Rama foli edhe për marrëveshjen me Italinë për pensionet teksa tha se u dakordësua me Giorgia Melonin, të cilës iu referua si motër.
“Ju pritët dhe mbasi u morëm vesh me motrën time në Romë, ju prapë pritet se duhej bërë ligji, do firmoset këtu e atje, histori italiane dhe vetëm përpara tre ditësh është firmosur edhe dokumenti i fundit. Por nëse do të kishim pasaportën e BE, shqiptarët, s’do të kishit nevojë për asnjë lloj njohjeje nga qeveria italiane dhe me pasaportën e BE vëllezërit tanë dhe motrat në Greqi do të bëhen automatikisht qytetarë të barabartë në BE. Ajo pasaportë është njohje automatike e pensioneve, e çdo të drejte që kanë italianët dhe qytetarët e tjerë të BE. Ju edhe sot, pavarësisht se mund të keni vite të tëra në Itali, se nuk keni pasaportën italiane, duhet të hyni nga ajo rradha tjetër atje, jo ke lejen jo s’ke lejen, ndërkohë që me atë pasaportë do të hyni kudo njësoj si italianët.”
