Kryeministri Edi Rama ndodhet në Lushnjë, ku po zhvillon një bashkëbisedim me mësuesit e këtij qyteti. Rama tha se tashmë mësuesit nuk kanë më shqetësimin e heqjes nga puna.
“Ky takim nuk është një takim që siç ndodh shpesh të vjen mirë sepse vigjilja elektorale të jep mundësinë të takosh shumë njerëz, por është vazhdimësi e një procesi që më duket sikur ishte dje. Më vjen mirë po ashtu që ne sot mund të diskutojmë për arsimin sfidat, shqetësimet, por një pjesë të rëndësishme të shqetësimeve që kishim s’i kemi më ndërkohë që patjetër shqetësime të reja kanë lindur. Nuk kemi më shqetësimin e jashtëzakonshëm të pasigurisë së plotë të mësuesve në punë”, tha Rama.
