Rusia dhe Kina po shqyrtojnë mundësinë e bashkimit të sistemeve të tyre kombëtare të pagimit.
Kështu deklaroi kryeministri rus Dmitry Medvedev nga Pekini, ku ai po zhvillon një vizitë zyrtare. Sipas tij, bota ka nevojë për një strukturë më të balancuar financiare.
Duke theksuar rritjen e sistemit të pagesës në Kinë dhe përpjekjet e Pekinit për të ndërkombëtarizuar monedhën vendase, Medvedev u shpreh se edhe Rusia po zhvillon sistemin e saj të pagesave, e njohur si Karta Mir.
Rusia filloi krijimin e këtij sistemi pas sanksioneve të reja të vendosura nga Perëndimi ndaj vendit, gjatë krizës së Ukrainës.
Moska premtoi të krijonte më shumë pavarësi nga sistemet perëndimore të pagesës dhe të krijonte më shumë shërbime vendase financiare.
Për kryeministrin Medvedev, sisteme të tilla kanë perspektiva pozitive dhe shmangin problemet që lindin kur përdoren sistemet amerikane të pagesës si Visa apo Mastercard.
Dy sistemet ndaluan sigurimin e shërbimeve për klientët e bankave ruse pas sanksioneve të Uashingtonit ndaj Moskës. Ndërkaq, Karta Mir tashmë përdoret nga rreth 14 milionë persona ose 10% e popullsisë ruse. Këto karta përdoren madje edhe në Krime, ku bankat perëndimore e kanë të ndaluar të ushtrojnë veprimtarinë e tyre.
/AlpeNew.al/
