Kryebashkiaku i Tiranës Erion Veliaj, i cili ndodhet prej më shumë se dy javësh në qeli, ka ankimuar masën e sigurisë të vendosur ndaj tij nga Gjykata e Posaçme, “Arrest me burg”.
Ankimimi është nisur me postë drejt Apelit të GJKKO.
Veliaj u arrestua me urdhër të SPAK mesditën e 10 shkurtit. Ai akuzohet për korrupsion dhe pastrim parash.
GJKKO e la në arrest me burg kryebashkiakun e Tiranës në 12 shkurt pas një seance maratonë ku gjyqtari Erjon Bani vlerësoi të ligjshëm arrestimin e tij. Në burg u la edhe biznesmeni Elman Abule.
Ndërsa GJKKO zbuti masën për Ajola Xoxën, bashkëshorten e Veliajt, nga arrest shtëpie në detyrim paraqitje. E njëjta masë u la në fuqi edhe për biznesmenët Gentian Sula, Shkëlqim Fusha, Sokol Kryeziu, Fatmir Bektashi dhe Meriman Palushi.
