Një punëtor ndërtimi ka humbur jetën tragjikisht ditën e sotme teksa ishte duke punuar.
Mësohet se viktima është 45-vjeçari Ylli Xhaferri, i cili ka qenë duke punuar në ndërtimin e një banese private në fshatin Mazhë e madhe dhe ka rënë në kontakt me energjinë elektrike. Menjëherë ai është dërguar në qendrën shëndetësore por pa shenja jete.
Është ende e paqartë se si ka rënë në kontakt me energjinë elektrike, teksa dyshohet se nuk janë përmbushur kushtet e sigurisë gjatë punës. Viktima ishte baba i 3 fëmijëve.
