Një 35-vjeçar banues në Dushk është ndalur nga policia për shkak se ka kanosur me armë një person tjetër pranë banesës së këtij të fundit.
Ngjarja daton më 12 janar 2025, kur dyshohet se Ortenc Dyrmishi ka qëlluar me armë zjarri në ajër pranë banesës së shtetasit F. R., 20 vjeç, për ta kanosur. Konflikti mes dy shtetasve raportohet të ketë nisur për motive të dobëta, gjatë një përplasjeje në një lokal në fshatin Dushk.
‘Specialistët për Hetimin e Krimeve të Komisariatit të Policisë Lushnjë ndaluan shtetasin e shpallur në kërkim O. D., 35 vjeç, banues në fshatin Dushk, pasi dyshohet se më datë 12.01.2025, me qëllim kanosjen, ka qëlluar në ajër, me pistoletë, në afërsi të banesës së shtetasit F. R., 20 vjeç. Këta 2 shtetas dyshohet se janë konfliktuar për motive të dobëta, në një lokal në fshatin Dushk.’
Materialet procedurale i kaluan Prokurorisë për veprime të mëtejshme.
