Gjermania jashtë bashkimit Europian. Në një fushatë të ndezur nga debati i emigrantëve për shkak të ngjarjeve të fundvitit, partia e ekstremit të djathtë AfD (Alternativa për Gjermaninë) shton një tjetër shtyllë të programit të saj. Tashmë kjo do të jetë një tjetër temë mbi të cilat AfD do të zhvillojë fushatën e saj elektorale për zgjedhjet e parakohshme të 23 shkurtit në Gjermani.
Retorika antiemigracion e forcës politike është ashpërsuar edhe më tej, teksa në fjalorin e zyrtarëve të saj tashmë termi remigration, është edhe mesazhi ndoshta I parë që do tu përcillet gjermanëve në fushatë.
Programi elektoral i AfD bëhet edhe më i qartë. Deportime masive dhe qasje më nacionaliste në politikën e jashtme. Përfshirja e nxjerrjes së Gjermanisë nga eurozona krijon edhe më tepër një atmosferë të ndezur të mesazheve që do të dëgjohen në fushatë, pasi ky është një hap mjaft I madh të cilin deri para pak kohësh e kundërshtonte edhe kandidatja për kancelare Alice Weidel.
AfD po fluturon në sondazhe sipas gazetave më të mëdha por ndodhet ende në kuota të pamjaftueshme për të ardhur në pushtet.
Zgjedhjet e parakohshme në Gjermani zhvillohen në sfondin e një krize të fortë politike që coi në rrëzimin e qeverisë së Olaf Shcolz, koalicioni i të cilit u rrëzua për shkak të mosmarrëveshjeve për buxhetin me partinë e koalicionit.
Alice Weidel dhe Olaf Shcolz janë dy kandidatët kryesorë që do të përballen në fushatë deri na mbërritjen e datës së zgjedhjeve.
