Zëvendëskryeministrja, njëherësh ministre e Infrastrukturës dhe Energjisë, Belinda Balluku bëri të ditur sot se Qendra Kombëtare e Monitorimit të Trafikut ofron 46 vende pune.
Ajo bëri thirrje për të aplikuar, ndërsa informoi se afati është deri më 30 dhjetor.
“Aplikoni për një nga pozicionet e lira për t’u bërë pjesë dhe dhënë kontributin tuaj në një institucion të ri me fokus tek siguria rrugore. Aplikimet janë hapur deri më 30 dhjetor 2024”, tha ajo.
Vendet e hapura janë në pozicione drejtuese, por edhe specialist monitorimi, përpunimi informacioni, operator salle, dispeçer, apo operator terreni.
