Një bandë shqiptarët, të specializuar në grabitjen e vilave luksoze, është goditur nga policia spanjolle e Madridit. Që nga nëntori, kësaj bande i janë faturuar më shumë se 200 ‘goditje’. Mes personave që kanë rënë pre është edhe kapiteni i Atlético de Madrid, Gabi Fernandez, në banesën e të cilit u grabit një orë, veshje dhe një xhaketë me vlerë 10.000 euro.
Sipas policisë spanjolle, janë arrestuar 5 persona, pjesëtarë të bandës, të cilët janë vënë në pranga pak para se të vinin në zbatim planin për të shkuar në Shqipëri.
Identiteti i personave të arrestuar nuk bëhet me dije, por mediat spanjolle raportojnë se janë të moshës mes 21 dhe 47 vjeç.
Sipas hetimeve, shqiptarët i grabisnin vilat kur në to nuk kishte banorë.
