Tre shqiptarë janë dënuar me 27 muaj burg në Angli pasi u kapën në një fermë kanabisi me vlerë 1.5 milionë paund. Ramadan Kapaj, 27 vjeç, Emiljano Xhafa, 30 vjeç, dhe Genti Binjaku, 45 vjeç, u shpallën fajtorë për prodhimin e një droge të klasit B dhe u dënuan nga Gjykata Shrewsbury Crown.
Në fermën e tyre u gjetën 14 dhoma të mbushura me bimë kanabisi në faza të ndryshme të rritjes, ndërsa ata kishin ndërtuar edhe një kat të dytë për të zgjeruar prodhimin.
Rreshteri Matt Corfield nga NCFT u shpreh i kënaqur me dënimin, duke theksuar rëndësinë e raportimit nga komuniteti lokal dhe bashkëpunimin me autoritetet për të parandaluar aktivitetet e tilla të paligjshme.
