Sot në Kuvend do të nisin diskutimet për projektligjin për buxhetin e vitit 2025, në seancën që do të shënojë edhe rikthimin e kryedemokratit Sali Berisha në jetën parlamentare pas 11 muajve mungesë.
Para nisjes së seancës, deputeti demokrat Dashnor Sula ka zgjedhur të hyjë në Kuvend në një mënyrë jo fort të zakontë.
Pasi futi ushqimet e shportës në Kuvend pak javë më parë, Sula këtë herë ka shkuar me një pankartë gjigande, ku evidenton rritjen e çmimeve të ushqimeve bazë si buka, sheqeri, vaji etj…
“Kjo është rritja e pensioneve, se pensionistët do të hanë, ja kjo është… Imagjinoni që bashkëmoshatari i një pensionisti shqiptar në Gjermani ka pension më të lartë dhe ushqehet me ushqime më të lira se ai në Shqipëri”, tha Sula.
Ai shkruan se çmimet për mallrat e shportës janë rritur me rreth 80% krahasuar me 3 vite më parë.
“16 milionë euro që ka dhënë buxheti i shtetit për pensionistët. Inflacioni është rritur 34% gjatë këtyre dhjetë viteve dhe indeksimi që kanë bërë është 26%. As 8% sipas ligjit, sipas Kushtetutës nuk u kanë plotësuar pensionistëve”, deklaroi Sula
