Dy persona kanë mbetur të plagosur nga të shtënat me armë zjarri pasditen e sotme në lagjen “Kodra e Trimave” në Prishtinë.
Të plagosurit janë dërguar për trajtim mjekësor në Qendrën Klinike dhe Universitare të Kosovës (QKUK).
Zëdhënësi i Policisë së Kosovës për rajonin e Prishtinës, Agron Borovci tha për mediat vendase se në lidhje me këtë incident janë identifikuar dy të dyshuar, ku njëri prej tyre tashmë është arrestuar dhe një tjetër është në arrati.
“Ndërlidhur me rastin e mësipërm , veprimet e shpejta operativo hetimore të policisë kanë rezultuar me identifikimin e dy personave të dyshuar të përfshirë në rast. Pak kohë pas ngjarjes njëri nga ta është arrestuar nga ana e policisë, ndërkaq tjetri është ende në arrati”, ka thënë Borovci.
Ai tha se është identifikuar edhe një makinë e përfshirë në ngjarje e cila është sekuestruar nga policia.
