Gjykata e Korçës lë në ‘arrest me burg’ mësuesin e artit pamor të shkollës 9-vjeçare Sotir Gura i akuzuar për ‘ngacmim seksual’. Mësuesi i artit pamor u denoncua nga dy nxënëset e mitura.
Mësuesi i vizatimit, 45-vjecari Bledar Duro u prangos më 13 nëntor 2024, me akuzën e ngacmimit seksual, pasi dy nxënëset e tij, të moshës 14-vjecare e denoncuan në polici. Ato paraqiten si prova mesazhet erotike qe mësuesi u dërgonte prej një muaji në aplikanicionin ëhatsaap.
Mësuesi e ka pranuar fajin por është justifikuar me faktin se ka qenë i alkoolizuar.
“Bledar Duro ka pranuar faktin se ka qenë alkoolizuar dhe në momentin që dyshohet se ka pasur komunikimin ka qenë nën efektin e alkoolit pasi ai vuan nga varësia e alkoolit. I vërtetuar dhe nga vërtetimet spitalore. Ne i vumë si provë shtrimin e parë në 2014 dhe shtrimi i fundit në maj të këtij viti dhe disa ditë para se të arrestohej ka qenë duke vijuar terapinë” tha avokati Kristian Koçibell
