Organizata terroriste PKK mori përgjegjësinë për sulmin e ndodhur të mërkurën e 23 tetorit, teksa Ankaraja u godit nga akti terrorist me 5 të vrarë dhe 22 të tjerë të plagosur.
Ministria e Punëve të Brendshme njoftoi se sulmi terrorist në TUSAS është kryer nga organizata terroriste PKK.
Organizata terroriste PKK gjithashtu mori përgjegjësinë për sulmin dhe njoftoi se sulmin e kanë kryer Mine Sevjin Alçiçek, me emrin e koduar Asya Ali dhe Ali Örek, me emrin e koduar Rojger Helin, raporton “HaberTurk”.
Në deklaratën e bërë nga e ashtuquajtura Qendra e Mbrojtjes së Popullit (HSM), e cila është e lidhur me organizatën terroriste PKK, thuhet se sulmi është kryer vetëm nga një ekip autonom i Batalionit të Pavdekshëm Taksisti Murat Arslan u përcaktua si një “civil” dhe se organizata “nuk kreu një orientim kundër civilëve”.
Organizata terroriste pretendoi se kishte planifikuar sulmin për një kohë të gjatë dhe se nuk kishte lidhje me një axhendë politike. Nga ana tjetër, në deklaratën e organizatës terroriste thuhej se pasqyrimi i mesazhit të liderit të PKK-së Abdullah Öcalan për opinionin ishte “pozitiv”.
Dy sulmuesit e armatosur, një burrë dhe një grua, kryen sulmin në selinë e Industrisë Turke të Hapësirës Ajrore (TUSAS) në Ankara.
Si kundërpërgjigje Turqia ka nisur sulme ajrore kundër militantëve kurdë në Irak dhe Siri, pas një sulmi terrorist në selinë e kompanisë turke të hapësirës ajrore dhe mbrojtjes (TUSAS).
Sulmi terrorist ndodhi vetëm 50 km larg kryeqytetit të Ankarasë. PKK-ja konsiderohet si një grup terrorist nga Turqia, Shtetet e Bashkuara dhe Bashkimi Europian.
Ajo filloi luftën e saj të armatosur për kulturore dhe vetëvendosje në vitet 1980.
