Presidentja e Komisionit Evropian (KE), Ursula von der Leyen, pritet të vizitojë vendin tonë më 23 tetor.
Vizita do të zhvillohet në kuadër të një turi në vendet e Ballkanit Perëndimor, ku përfshihet edhe Kosova. Qëllimi i këtij turi do të jetë shprehja e përkushtimit të saj dhe të komisionit për angazhim në afrimin e rajonit drejt Bashkimit Evropian.
Tirana do të jetë ndalesa e saj e parë, ku prit të takohet me presidenti ne vendit, Bajram Begaj, e më pas me kryeministrin Edi Rama. Ajo do të marrë pjesë edhe në përurimin e Kampusit të Kolegjit Evropian në Tiranë.
Më pas, më 24 tetor ajo do të shkojë në Maqedoninë e Veriut dhe në Bosnje e Hercegovinë. Në Bosnje, ajo do t’i vizitojë edhe zonat e goditura nga përmbytjet e 4 tetorit, dhe do të shpreh gatishmërinë e BE-së për të ndihmuar në përballje me pasojat.
Në Serbi, Von der Leyen do të qëndrojë më 25 tetor, ku do të takohet me presidentin serb Aleksandar Vuçiq.
Von der Leyen do të udhëtojë pastaj për vizitë Kosovë të shtunën e 26 tetorit, ku do të takohet me presidenten Vjosa Osmani dhe kryeministrin Albin Kurti. Vizitën në rajon ajo do ta përfundojë me takimin me liderët e Malit të Zi të shtunën në Podgoricë.
Vetëm disa ditë pas vizitës së saj, Komisioni Evropian do t’i miratojë dhe publikojë paketën vjetore të zgjerimit dhe raportet e progresit për vendet e përfshira në këtë proces.
Fokusin e veçantë Von der Leyen do ta ketë tek paketa e BE-së për rritje dhe reforma në Ballkanin Perëndimor, e cila parasheh ndihmë financiare prej 6 miliardë euro për këto vende. Të premten e kaluar, BE-ja miratoi axhendat e reformave të pesë vendeve të Ballkanit Perëndimor, të cilat i kanë paraqitur ato si kusht për të përfituar nga paketa e Planit të Rritjes.
“E ka kërkuar Izraeli”/ Deklarata e fortë e analistit: Ja çfarë fshihet pas krijimit të shtetit Bektashi në Shqipëri
Von der Leyen ka paralajmëruar se procesin e zgjerimit e ka ndër prioritetet kryesore dhe për këtë e ka caktuar një komisionare, e cila do të merret vetëm me zgjerimin e bllokut. Sipas paralajmërimeve nga KE-ja, gjatë vizitës në rajon Von der Leyen do të përqendrohet më së shumti në ndihmën që BE-ja po u jep vendeve të rajonit për përshpejtimin e reformave dhe përgatitjeve për përparim më të shpejtë në procesin e integrimeve evropiane.
