Një aksident i ri ka ndodhur sot në Lushnjë, ku një automjet tip Turan, i drejtuar nga një shtetase angleze, ka humbur kontrollin dhe ka përfunduar në një kanal.
Në mjet ndodheshin tre anglezë, të cilët janë dërguar menjëherë në spital për kontroll dhe trajtim. Sipas informacionit të fundit, të tre ndodhen jashtë rrezikut për jetën dhe janë në kujdesin e mjekëve.
Nga aksidenti janë konstatuar vetëm dëme materiale në automjet. Policia ka mbërritur në vendngjarje dhe është duke hetuar shkaqet e aksidentit, ndërsa janë marrë masat e nevojshme për të lehtësuar qarkullimin në zonë dhe për të pastruar vendin e ngjarjes.
