Darmen Keli, 25-vjeçari që akuzohet për vrasjen e Amarildo Hoxhallarit, është lënë në burg pa afat nga Gjykata e Tiranës në seancën e sotme.
Keli, gjatë seancës, u pa prapa kafazit të xhamit me kokën ulur dhe herë pas here mbulonte fytyrën me duar.
Avokati i tij, Arben Gramo, kërkoi një ulje të dënimit, duke argumentuar se vrasja duhet të klasifikohet në kushtet e tronditjes së thellë.
Ngjarja e rëndë ndodhi disa ditë më parë në Tiranë, në zonën e Astirit, ku Keli qëlloi 4 herë me thikë Hoxhallarin.
Sipas raportimeve, vrasja ka ndodhur për shkak të xhelozisë, pasi Hoxhallari kishte ngacmuar partneren e 25-vjeçarit. I plagosuri u transportua në spital, por për shkak të plagëve të rënda, humbi jetën.
