Dalin pamjet nga vendi i ngjarjes ku u aksidentua një i moshuar pak minuta më parë në Durrës.
Një nga dëshmitaret ka rrëfyer se autori ishte duke drejtuar një automjet tip “Benz” ngjyrë të bardhë dhe është larguar menjëherë nga vendngjarja.“Kishte një benz të bardhë, e goditi aty. Makina më pas iku”, tha ajo.
Ndërkohë policia ka dhënë detaje në lidhje me aksidentin e ndodhur pak më parë në lagjen 13, Durrës.
Identiteti i autorit mbetet ende i panjohur për organet e rendit.
Njoftimi:
Rreth orës 11:30, në lagjen 13, Durrës, një automjet tip Benz ka aksidentuar shtetasin Z. K., rreth 78 vjeç, këmbësor. Si pasojë e përplasjes shtetasi Z.K, ka humbur.
Drejtuesi i automjetit është larguar nga vendi i ngjarjes dhe vijon puna intensive për identifikimin dhe kapjen e tij.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.
