Policia greke ka vënë rastësisht në pranga një person të shumëkërkuar për tentativë vrasje nga Interpol Tirana. Policia greke ka ndaluar në Malevizi të Irakleos automjetin me targa YTK-8700 në pronësi të “SK TOURIST SERVICES” dhe ka kërkuar dokumentacionin nga drejtuesi.
Ky i fundit nuk ka pasur leje drejtimi mjeti dhe ka treguar një kartë homogjeni grek të lëshuar nga policia e Athinës në 20.05.2021 në emrin Ermal Lazaj 44 vjec, e cila është dukur e dyshimtë nga policia. Pas verifikimit ka rezultuar se karta ishte false dhe për këtë është shoqëruar në komisariat drejtuesi i mjetit. Gjatë intervistimit autori ka pranuar se karta është false dhe ka deklaruar gjeneralitetet e tij të vërteta, konkretisht Viktor Pashk Daçi, 45 vjec nga fshati Baz i Matit.
Nga verifikimi në sistemin e Interpol ai ka rezultuar person i shpallur në kërkim në Drejtoria e Policisë Qarku Dibër në Shqipëri për “vrasjë me paramendim e mbetur në tentativë” dhe “mbajtje pa leje të armëve luftarake dhe municionit”, prej datës 01.06.2015 për një ngjarje të ndodhur në 25.11.2014.
Nga verifikimi në sistem i identitetit të dytë të të kërkuarit, konkretisht Ermal Lazaj, rezultoi se ai nën këtë emër është arrestuar në 26.05.2023 në Agio Nikolao Lisithiou me 10 gram kokainë dhe në 22.10.2023 është proceduar nga policia e Agio Nikolaou për përdhunimin e një 23 vjecareje greke.
Menjëherë është vënë në prangat e policisë greke me qëllim nisjen e procedurave të ekstradimit, ndërkohë që është proceduar penalisht edhe për falsifikimin e kartës së homogjenit, për shkelje të ligjit mbi emigrantët dhe për shkelje të rregullave të qarkullimit rrugor
