Roberto Mancini, trajneri aktual i Zenit-it, ka dhënë mendimin e tij në lidhje me refuzimin e Verdi-t për t’u transferuar te Napoli në këtë merkaton të janarit. Një vendim ky që ka befasuar shumë njerëz dhe që ka acaruar tifozët napolitanë.
“Bravo Simone, lumturia nuk ka çmim. Trenat? Kalojnë çdo pesë minuta. Kalimi në janar te një ekip i konsoliduar nuk do të thotë të rritesh si futbollist, sepse shpesh përfundon në stol. Do të ishte shumë keq nëse do të shkoje te një ekip pa qenë i bindur”, ka thënë ish-trajneri i Inter.
