Një 39-vjeçar ka përfunduar në prangat e policisë së Vlorës, pasi ka vjedhur sendet personale të turistëve italiane brenda automjetit të tyre. Burri me precedentë të mëparshëm në këtë fushë, kreu vjedhjen duke thyer xhamin e mjetit.
Njoftimi:Vodhi një shumë parash dhe sende personale, në një automjet të parkuar, në përdorim nga dy turistë italianë, identifikohet, kapet dhe vihet në pranga 39-vjeçari. I arrestuari, me precedent të mëparshëm për të njëjtin krim, i dyshuar dhe për kryerjen e 2 vjedhjeve të tjera, në qytetin e Vlorës.
Sekuestrohen veshje dhe mjete të cilat dyshohet se autori i përdorte për kryerjen e vjedhjeve dhe një aparat neuroparalizues (elektroshok).
Vihet në pranga edhe babai i 39-vjeçarit, pasi të dy së bashku, kundërshtuan dhe tentuan të pengonin punonjësit e Policisë, në kryerjen e detyrës.
