Pas arrestimit dhe dëshmisë së 17 vjeçarit të akuzuar për vrasjen e 39-vjeçarit shqiptar Bledar Dedja në Treviso të Italisë në 21 janar po hetohet një tjetër skenar shqetësues.
Duke folur me hetuesit, 17 vjeçari ka treguar njohjen e tij me 39-vjeçarin, e cila filloi rreth një vit më parë.
Ai gjithashtu ka raportuar për një rrjet të gjerë prostitucioni, pjesë e të cilit janë djemtë dhe vajzat e mitura. Dëshmia do të verifikohet nga hetuesit dhe do të thirren të gjithë personat për të verifikuar pretendimet e 17-vjeçarit.
Historia është shumë më komplekse nga sa duket”, tha avokatja e të riut, Elisa Berton, në fund të seancës, raportuar nga Il Gazzettino.
Motivi i krimit mbetet ende i mbuluar me mister. Paraditen e sotme, 17-vjeçari u mor sërish në pyetje dhe tani ndodhet në paraburgim në burgun e Trevisos, ku monitorohet vazhdimisht
Sipas asaj që është rikonstruktuar deri më tani nga puna e hetuesve, të shtunën e datës 20 janar 17-vjeçari është paraqitur në takim me një thikë të fshehur poshtë rrobave. Në momentin që ndodhej vetëm me 39-vjeçarin në pyll në Via dei Colli, e goditi rreth 20 herë me thikë.
