Gazetari bjellorus Igor Lednik ka ndërruar jetë në burg, ku po vuante dënimin për një artikull të botuar në vitin 2022 dhe për të cilën u akuzua për shpifje ndaj presidentit Aleksandër Lukashenko.
Lajmin e ka bërë të ditur Partia Socialdemokrat në Bjellorusi. Ledniku po vuante një dënim me tre vite burg dhe shëndeti i tij ishte përkeqësuar pas hekurave.
Gazetari dhe ish-politikani i ishte nënshtruar një operacioni gastrointestinal dhe gjithashtu vuante nga probleme me zemrën. Ndërkohë, ish-kandidatja presidenciale Svetlana Tikanovskaya, një figurë kryesore në disidencën anti-Lukashenko, tha se ishte “shkatërruar” nga vdekja e një luftëtari të palodhur lirie.Kjo vdekje është një simbol tragjik i brutalitetit të regjimit të Lukashenkos. Ai duhet të mbahet përgjegjës për çdo vdekje, për çdo hero të humbur,” tha ajo në llogarinë e saj në X.
