Tre burra janë arrestuar nga policia pasi kanë ushtruar dhunë ndaj bashkëshorteve përkatëse
Policia sqaron se 55-vjeçari i arrestuar në flagrancë gjatë shoqërimit në komisariat, ka kundërshtuar punonjësit e policisë.
Specialistët për Hetimin e Krimeve të Komisariatit të Policisë Durrës arrestuan në flagrancë shtetasin Z. B., 55 vjeç, banues në Durrës, pasi ka ushtruar dhunë ndaj bashkëshortes së tij, si dhe gjatë shoqërimit në Komisariat, ka kundërshtuar punonjësit e policisë”,- njofton policia.
Ndërsa 40-vjeçari ka dhunuar bashkëshorten e tij duke thyer gjithashtu dhe urdhrin e mbrojtjes që kishte kjo e fundit të dhënë nga gjykata.
“Specialistët për Hetimin e Krimeve të Komisariatit të Policisë Kavajë arrestuan në flagrancë shtetasin A. H., 40 vjeç, banues në Rrogozhinë, pasi në kundërshtim me vendimin e Gjykatës, ka hyrë në banesën ku qëndron bashkëshortja e tij dhe ka ushtruar dhunë ndaj bashkëshortes, e cila është e pajisur me urdhër mbrojtjeje.
Specialistët për Hetimin e Krimeve të Stacionit të Policisë Manzë arrestuan në flagrancë shtetasin F. Xh., 59 vjeç, banues në Vadardhë, Sukth, pasi ka ushtruar dhunë fizike ndaj bashkëshortes së tij”,- deklarojnë blutë.
