Shkencëtarët shprehen shumë optimistë pas prezantimit të një studimi të bërë së fundmi mbi një trajtim të ri për një formë agresive të kancerit të gjirit.
Trajtimi merret permes një vaksine dhe synon në mënyrë specifike një lloj kanceri të gjirit të quajtur “Kanceri i gjirit trefishtë negativ” (TNBC).
Ky është një ndër kancert më agresiv të gjirit, në të cilin tumoret rriten më shpejt, që do të thotë se më pak mundësi trajtimi janë të hapura për pacientët.
Mund të ketë gjithashtu një shans të lartë për t’u rikthyer edhe pasi pacienti shfaqet se i është zhdukur kanceri.
Elementi ‘trefishtë negativ’ i kancerit i referohet faktit që qelizat e kancerit nuk kanë receptorë për hormonet estrogjen dhe progesterone, që do të thotë se shumë trajtime normale për kancerin e gjirit nuk funksionojnë për këtë.
E gjithë kjo do të thotë se ekziston një nevojë e madhe për trajtime që mund të synojnë në mënyrë specifike kancerin e trefishtë negativ.
Trajtimi i ri përbëhet nga një vaksinë, e cila u administrua në tre doza të ndryshme gjatë testimit
Ai u testua në 16 vullnetarë, të cilët më parë ishin trajtuar me sukses për TNBC dhe u zbulua se prodhonte me sukses një përgjigje imune të qelizave T tek pacientët, që do të thotë se mund të ishte i dobishëm në luftimin e kancerit të gjirit.
Pacientët në provë gjithashtu nuk raportuan shumë efekte anësore të rëndësishme nga vaksina.
Në një njoftim për shtyp, Dr Amit Kumar, Kryetar dhe CEO i zhvilluesve të vaksinave “Anixa Biosciences” tha: “Të dhënat nga prova jonë e fazës së parë deri më sot, i kanë tejkaluar pritjet tona dhe ne jemi të kënaqur me përparimin tonë”.
Ai shtoi: “Kjo vaksinë është krijuar për të drejtuar sistemin imunitar për të shkatërruar qelizat e kancerit TNBC përmes një mekanizmi që nuk është përdorur kurrë më parë për zhvillimin e vaksinës së kancerit.”
Tani, mjekët po kërkojnë të vazhdojnë kërkimin në një përpjekje për ta bërë trajtimin të dobishëm në përpjekjen për të parandaluar trajtime më të rënda siç janë mastektomitë.
Onkologu mjekësor në Klinikën e Cleveland, Dr G. Thomas Budd shpjegoi: “Tani, ky është një grup i vështirë për t’u studiuar, sepse nuk është një grup i madh.
“Do të duhet një kohë e gjatë që pacientët të zhvillojnë kancer, dhe sigurisht që ka opsione kirurgjikale aktualisht. Por do të ishte një qasje shumë emocionuese dhe ne me të vërtetë po presim me padurim të përpiqemi të marrim fonde për të bërë këto prova shtesë.”
Budd vazhdoi: “Ekziston një nevojë e madhe e paplotësuar për parandalimin e TNBC, një formë agresive e kancerit të gjirit me disa opsione të trajtimit të synuar në dispozicion. Shpresa jonë është që studimet e ardhshme do të demonstrojnë se përgjigjet e qelizave T specifike të antigjenit që vëzhguam përkthehen në parandalimin e kancerit të gjirit”.
