Kombëtarja e Kosovës U19 ka shënuar fitore minimale 1:0 në miqësoren ndaj Azerbajxhanit
Kombëtarja U19 e Kosovës në ndeshjen e parë në kuadër të përgatitjeve në Antalya për ndeshjet e rrethit elitë të Kampionatit evropian, ka shënuar fitore ndaj Azerbejxhanit me rezultat 1:0.
Golin e vetëm dhe të fitores në këtë takim e shënoi Leutrim Kryeziut në minutën e 72-të.
Trajner Ramiz Krasniqi pas ndeshjes tha se kjo ishte një përballje e mirë dhe e fortë.
“Në pjesën e parë disi futbollistët tanë luajtën jo me seriozitetin e duhur, duke mos e marrë kundërshtarin për serioz, ndaj edhe pjesa e parë u mbyll me rezultat 0:0. Në pushim i analizuam dobësitë dhe pjesa e dytë ishte krejtësisht ndryshe dhe ekipi u angazhua maksimalisht dhe arritëm të shënojmë një gol, që ishte edhe i fitores.”, tha fillimisht Krasniqi.
“Futbollistët e Azerbejxhanit luajtën mjaft ashpër ndaj dhe kishim tri ndërrime të detyrueshme. Por provuam edhe disa futbollistë tjerë. Me gjithë tri mungesat nga përbërja kryesore mendoj se djemtë luajtën mirë”.
Kombëtarja U-19 ndeshjen e radhës do ta zhvillojë të premten më 26 janar kundër Kazakistanit.
