Një tjetër ngjarje e rëndë ka ndodhur pak më parë në Tiranë, teksa një grua ka goditur me thikë partnerin e saj.
Ngjarja ka ndodhur në zonë ne Kombinatit, teksa raportohet se gruaja është shtatzënë. Mësohet se gruaja është konfliktuar me burrin për motive të dobëta dhe më pas e ka qëlluar burrin me thikën e bukës. Ky i fundit është transportuar në spital dhe pas ndihmës mjekësore ndodhet jashtë rrezikut.
Policia ka shoqëruar në komisariatin nr.6 autoren e krimit ku edhe i ka marrë deklaratën, por nuk e kanë arrestuar sepse kishte fëmijën 1 vjeç dhe ishte edhe shtatzënë 6 muajshe
Kujtojmë se pak më parë, në qytetin e Korçës një grua u sulmua nga një 36-vjeçar, i cili e goditi atë me sëpatë duke i shkaktuar plagë të rënda. Autori i ngjarjes, i identifikuar si Jonis Mazllëm, dyshohet se është përdorues droge dhe vuan nga probleme të shëndetit mendor, ndërsa pas ngjarjes është shoqëruar në Polici. Ngjarja ka ndodhur mëngjesin e sotëm në Pazarin e qytetit juglindor.
