Pasiguria në shkolla ka qenë dhe me sa duke vijon të jetë një problem i pa zgjidhur. Vetëm dy ditë më parë pas një përleshje në një nga gjimnazet e Tiranës u plagos një adoleshent me thikë, e shumë raste të tjera janë shënuar gjatë muajve të fundit.
Edhe sot policia raporton për një nxënëse të një shkolle 9 vjeçare në kryeqytet që pas një kontrolli iu gjet një armë e ftohtë, thikë, dhe një çelës anglez.
Materialet për shtetasen me inicialet K.Ç u referuan në Prokurorinë e Rrethit Gjyqësor Tiranë.
Njoftimi i plotë:
Më datë 23.01.2018, u referuan materialet në Prokurorinë e Rrethit Gjyqësor Tiranë, për shtetasen K.Ç, vjeç 15, banuese në Tiranë, nxënëse në një shkollë 9-vjeçare pasi dyshohet se në ambientet e shkollës, në çantën e shkollës ju gjet një thikë dhe një çelës anglez. Neni 279 i Kodit Penal.
