Një aksident është regjistruar në afërsi të fshatit të Vithkuqit në Korçë ku janë plagosur 2 persona.
Shoferi me iniciale M. H., duke drejtuar automjetin tip “Citroen”, ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar një 66 vjeçare dhe një 42 vjeçare, banuese në fshatin Panarit, pasagjere në këtë automjet, të cilat u dërguan për mjekim në spitalin e Korçës.Po kryhen veprimet e mëtejshme procedurale për shoferin.
Grupi hetimor po punon për zbardhjen e rrethanave të aksidentit.
