Viktima shqiptare e cila vdiq tragjikisht në një dyqan mishi gjatë kohës që punonte në Greqi është identifikuar si Ana.
Bëhet me dije nga mediat greke se policia arrestoi pronarin e objektit, pasi në kuadër të hetimeve, ai akuzohet për një aksident industrial me pasojë vrasje nga pakujdesia.
Trupi i gruas u dërgua në Patra për autopsi, ndërsa varrimi pritet të bëhet në ditët në vijim në Evinochori.
“Në orën 9 e kanë marrë për të shkuar në punë dhe në orën 10 ka ardhur mantatoja”, i tha ajo një personi të afërt. Në të njëjtën kohë, të afërmit e saj po përpiqen të kuptojnë se si ka ndodhur aksidenti. “ Vajza e saj po pastronte përpara dhe nëna ishte në kuzhinë. Në një moment vajza dëgjoi zëra. Ajo vrapoi dhe pa nënën e saj në këtë gjendje”, tha një i afërm i gruas për protothema.gr.
Gruaja prej dy vitesh jetonte në Mesolongji me nënën dhe dy fëmijët, vajzën 18-vjeçare dhe djalin 10-vjeçar, pasi u largua nga Shqipëria, pas ndarjes me bashkëshortin.
Sipas njerëzve që e njihnin, ajo punonte me të bijën nga mëngjesi deri në mbrëmje dhe pastronin dyqanet për të siguruar jetesën.
Kujtojmë se ngjarja tragjike ka ndodhur mbrëmjen e së premtes, pak pas orës 21:00, kur gruaja dhe vajza e saj, e cila punonte në dyqane pastrimi, shkuan në kasap për të bërë punën e tyre. Për një arsye ende të panjohur, gruaja po pastronte makinën, kur iu kapën flokët, duke bërë që ajo të copëtohet për vdekje.
