Katër persona janë vënë nën hetim në gjendje të lirë nga Policia Dibër, për vepra të ndryshme penale.
Policia njofton se një sherr për motive pronësie ka agravuar në kërcënime me jetë në Bulqizë, ku një 42-vjeçar me iniciale B.B ka kanosur me thikë një tjetër.
Për pasojë 42-vjeçari është vënë nën hetim nga policia.
Po të njëjtat struktura bëjnë me dije se një rast dhune është konstatuar në Peshkopi, ku një 40-vjeçar me iniciale F.H ka goditur me mjete të forta shtetasin B.M., pas një konflikti për motive të dobëta.
Për pasojë 40-vjeçari është vënë nën hetim nga Policia e Dibrës.
Po ashtu, në Bulqizë nisi hetim për K.D., 39 vjeç, pasi për motive të dobëta ka goditur me grushte shtetasin M.D.
Ndërsa Policia Rrugore Dibër, referoi materialet në Prokurori ku nisi hetimi për J.M., 19 vjeç, banues në Klos, pasi duke drejtuar motorit ka humbur kontrollin mbi drejtimin e tij dhe ka dalë nga rruga.
Për pasojë ka mbetur i lënduar jashtë rrezikut për jetën drejtuesi i motorit dhe pasagjeri A.N.
Materialet procedurale iu referuan Prokurorisë Dibër për veprime të mëtejshme.
