Një person ka humbur jetën dhe pesë të tjerë thuhet se janë në gjendje “të rëndë” pasi një varkë me emigrantë u fundos në Kanalin e La Mansh.
Një operacion shpëtimi nga rojet bregdetare britanike dhe franceze ka shpëtuar 50 persona, thanë autoritetet, raporton BBC.
Një numër njerëzish u panë duke u nxjerrë nga një varkë shpëtimi me barela në Dover. Ende nuk dihet se sa të rënda janë lëndimet e tyre.
RNLI tha se një ekuipazh i varkës së shpëtimit u nis pak para orës 04:00 me orën lokale.
Home Office nuk ka komentuar për këtë ngjarje. Që nga 10 gushti, 15,826 njerëz kanë kaluar Kanalin me një varkë të vogël këtë vit.
Më shumë se 100,000 njerëz kanë bërë kalimin e rrezikshëm në kanalin La Mansh që nga viti 2018, sipas shifrave të kësaj jave. Të enjten, 755 persona u kapën duke mbërritur në Britani, ku autoritetet thanë se kjo ishte një shifër rekordi për vitin e deritanishëm.
