Sheleguri është një nga zonat më të bukura të Kolonjës, vetëm 10 minuta larg qytetit të Leskovikut.
Gjatë 10 viteve të fundit banorët e kësaj zone kanë investuar në bujtina e resorte, duke e kthyer në një zonë mjaft të vizituar nga turistët vendas dhe të huaj.
” Unë vij nga Brazili, kemi ardhur prej 15 vitesh në Shqipëri por këtu natyra është fantastike, ushqimi, çmimet njerëzit, e duam Shqipërinë. Kam 10 ditë në Shqipëri por ky është vendi më i bukur deri tani, gjëja e preferuar është gjumi, bëhet i qetë këtu, duket si magji.”
” Vij nga Italia, kemi planifikuar një tur në Greqi por kaluam me pare këtu. Ky është vendi më fantastik në Shqipëri, ne na pëlqen shumë, erdhëm thjesht për të parë por mikpritja e njerëzve na mbajti më tepër se aq.”
Për vizitorët që vijnë nga zona të ndryshme të Shqipërisë Sheleguri është vendi ideal sidomos edhe për çmimet e favorshme.
Rruga nga Erseka në Leskovik është në rikonstruksion e sipër, rrugë që pasi të ketë përfunduar pritet të sjellë më tepër turistë
