Organet e gruas u gjetën brenda një frigoriferi dhe një enë tjetër që ishte hedhur në ujë nga autori. Ajo kishte një tatuazh në bust, mbi bazën e të cilit autoritetet e identifikuan, sqaroi zëdhënësja e prokurorisë, Catherine Collignon. Bëhej fjalë për një grua 70-vjeçare, djali i së cilës u arrestua në orët e para të së enjtes në një hotel pranë aeroportit Bruksel-Zavendam.
Autori synonte të largohej me në një fluturim me destinacion Korenë e Jugut, tha Collignon.
35-vjeçari ka pranuar aktin e tij dhe pasi u procedua penalisht, u vendos arrestimi i tij.
Viktima jetonte në Seren, pranë Liege, me dy fëmijët dhe mbesën e saj. Djali i saj ia ka rrëfyer aktin e tij një të afërmi dhe ky i fundit i ka thënë një tjetër personi që ka vendosur të lajmërojë policinë. Nënë e bir kanë debatuar shpesh vitet e fundit pasi ai vendosi të kthehej në shtëpinë e familjes pas pandemisë Covid-19.
