Kur i gjithë vendi është përfshirë nga temperaturat e nxehta alerti për zjarret sa vjen e bëhet më i madh. Deri tani nga qershori janë numëruar 125 vatra zjarri të cilat janë përballuar shumë mirë dhe janë shuar, ndërkohë mbeten kritike vatrat e zjarrit në Peshtan të Fierit dhe në Vlorë që vijojnë prej ditësh.
Ministri i Mbrojtjes Niko Peleshi tërhoqi vëmendjen drejtuesve të qarqeve për të forcuar rrjetin e monitorimit pasi deri tani për pushtetin vendor, struktura e emergjencës civile është konsideruar si e dorës së dytë.
“Ka bashki që nuk e kanë parësore punën e emergjencave civile. E quajnë punë të dorës së dytë. Kanë emëruar dhe një që sia dinë as emrin. Sepse mendojnë se ka një big brother e kanë një telefon dhe kërkojnë helikopterin” tha Peleshi
