Ministrja e Jashtme e Anglisë, Suela Braverman, ka zhvilluar një bisedë telefonike me ministrin e Brendshëm, Taulant Balla, duke përgëzuar këtë të fundit për detyrën e re.
Braverman shkruan se në fokus të bisedës ishte përforcimi i marrëdhënieve me Shqipërinë, kryesisht për emigracionin e paligjshëm dhe krimin e organizuar.
“E kënaqur të flas me ministrin e ri shqiptar të Brendshëm, Taulant Balla dhe e përgëzoj për rolin e ri. Ne ramë dakord të intensifikojmë marrëdhëniet tona të ngushta të punës për të arritur qëllimet tona të përbashkëta, duke përfshirë trajtimin e migracionit të paligjshëm, korrupsionit dhe krimit të organizuar”, shkruan ajo.
Çështja e emigrantëve shqiptarë në Britaninë e Madhe është lakuar shpesh herë nga Suela Braverman, e cila herë pas herë është “kryqëzuar” për shkak të qëndrimit të saj ndaj shqiptarëve, i cili është cilësuar si racist.
