Një aksident i rëndë automobilistik ka ndodhur pasditen e sotme në aksin rrugor Fier-Seman, ku për pasojë janë përplasur tri makina.
Mësohet se nga përplasja e mjeteve Mercedes-Benz, Opel dhe Volkswagen, ku ky i fundit ka përfunduar në kanal, janë plagosur katër persona.
Raportohet se të plagosurit, dy prej të cilëve janë të mitur, respektivisht 2 dhe 10 vjeç, janë dërguar në spitalin e Fierit dhe ndodhen nën kujdesin e mjekëve.
Sakaq, aksidenti ka shkaktuar trafik të rënduar në të dy anët e rrugës, ndërkohë që policia dhe grupi hetimor ndodhen në vendngjarje për të zbardhur dinamikën e ngjarjes.
