Nëse ju kafshon një rriqër këtë verë, mund ta konsideroni atë si një bezdi dhe të mos mendoni asgjë për të.
Por mjekët tani po ju bëjnë thirrje që të jeni të kujdesshëm ndaj një efekti anësor të çuditshëm por potencialisht vdekjeprurës, një alergji ndaj mishit të kuq. Alarmi i tyre vjen pas rastit të një burri çek, i cili pësoi një atak kardiak nga komplikacioni pak i njohur.
68-vjeçari, i cili jetonte në afërsi të qytetit të Pilsen, nuk ishte në dijeni se ai ishte pickuar nga një rriqër.
Burri, të cilin mjekët nuk e identifikuan, u godit papritur nga anafilaksia pasi kishte ngrënë në darkën e tij veshka derri pikante.
Rreth një orë më vonë, burri u gjet nga gruaja e tij duke gulçuar në karrige, duke luftuar për të marrë frymë dhe zemra e tij ndaloi përkohësisht.
Në momentin që mbërriti një ambulancë, burri ishte i vetëdijshëm dhe merrte frymë, por ai ishte ende në një gjendje të keqe dhe u dërgua në spital. Gjatë një ekzaminimi fizik, mjekët gjetën një rriqër të ngulitur në lëkurën e tij, të cilën e nxorrën.
Mjekët thanë se rezultatet fillestare të testit treguan një numri të ngritur të qelizave të bardha të gjakut dhe një hije në mushkëri.
Megjithatë, ndërsa ata mblodhën historinë e tij mjekësore, gruaja e tij përmendi se burri kishte filluar të ndjente kruarje pas drekës së tij. Kjo bëri që ekipi i mjekëve të dyshonte se faji ishte një reaksion alergjik. Testet e mëtejshme të gjakut sugjeruan se burri kishte vuajtur nga anafilaksia, një reaksion alergjik kërcënues për jetën, duke mbështetur hipotezën e tyre.
