Mbledhja e Këshillit të Mandateve, për kërkesën e arrestit për ish-ministrin Arben Ahmetajt është shtyrë për ditën e nesërme.
Kreu i Grupit Parlamentar të PD, Gazment Bardhi ka dalë në një deklaratë për mediat duke thënë se me shtyrjen e mbledhjes, mazhoranca po i jep kohë Ahmetajt që të fshihet nga drejtësia.
Më tej ai tha se mazhoranca po tenton po ashtu shtyrjen për dhënien e autorizimit për arrestim javën tjetër.
“Ishte këshilli i rregullores nëse mbledhja duhej të zhvillohej me dyer të hapura apo të mbyllura. Vendimi u mor pa votim dhe mbledhja filloi me dyer të mbyllura. Nuk kishim asnjë informacion shtesë përveç atyre që janë bërë publike. Ashtu siç ishte paralajmëruar për t’i dhënë kohë Ahmetajt që nuk është në Shqipëri, u vendos që të shtyhej seanca për nesër duke tentuar shtyrjen për dhënien e autorizimit për javën që vjen. Kjo është ndihmë që maxhoranca po i jep Ahmetajt për t’u fshehur nga drejtësia. Kuvendi duhet t’i jepte autorizimin prokurorisë. Nuk e di ku ndodhet Ahmetajt, dimë vetëm se nuk ndodhemi në Shqipëri”- tha ai.
